İstehsal müəssisələri və təbiəti mühafizə edən dövlət orqanları ilə qarşılıqlı əlaqə

     Azərbaycanın ekoloji QDT ictimai-metodik və informasiya dəstəyi əsasən iki mərkəzdən həyata keçirilir: 1) İSAR-Azərbaycan və 2) QDT forum UNDP resurs mərkəzində.

      Hər iki mərkəzdə sistematik olaraq QDT nümayəndələrinin istehsal müəssisələri və təbiəti mühafizə edən dövlət orqanları nümayəndələri ilə görüşləri təşkil edilir. Təkcə 1999-2000-ci illər ərzində QDT ilə BP, İWAKO, Frontera-Resources, Dames & Moor və s. neft şirkətlərinin görüşləri təşkil edilmişdir. 2000-ci il 16 noyabrda BP Azərbaycanın qeyri-dövlət ekoloji cəmiyyətləri ilə Şah dəniz proyektində işlərin həcminin təyin edilməsi üzrə seminar təşkil etmişdir.

          Azərbaycan QDT Milli Fəaliyyət Planının Ətraf mühitin Mühafizəsi   (yaşıllar Hərakatı), Ozonosferanın Mühafizəsi  (Ekoyl, Bizim ev), İqlimin Dəyişməsi  (Ruzgar), Biomüxtəlifliyin qorunması (Ekoloji ittifaq), Ramsar konvensiyası (Ornitoloji cəmiyyət), Səhralaşmaya qarşı mübarizə (Yaşıllar Hərəkatı, Ruzgar) üzrə yerinə yetirilməsində iştirak edirlər.

         Demək olar ki, QDT tərəfindən keçirilən bütün tədbirlərə istehsal müəssisələrinin, dövlət təbiəti mühafizə orqanlarının, kütləvi informasiya vasitələrinin nümayəndələri və alim-ekoloqlar dəbət edilirlər.