İctimai ekspertizada iştirak və Beynəlxalq proyektlərin həyata keçirilməsi

Neft sənayesində ətraf mühitin qorunması üzrə İctimai-ekoloji hərəkatın formalaşması Azərbaycanın əksər ekoloj QDT üstünlük verilən fəaliyyət istiqamətinə daxildir. Onların son 2-3 ildəki fəaliyyəti göstərir ki, neft proyektlərinin ümumxalq dinlənilməsinin təşkili (əsasən OVOS proyektləri), onların ictimai ekspertizasının, müstəqil monitorinqin və ətraf mühitin çirklənmə mənbələrinin inventarizasiyasının  keçirilməsi yolu ilə ekoloji təbliğatın təşkili üçün tam və dəqiq informasiya almaq olar. Belə təbliğat neft sənayesində ətraf mühitin qorunması üzrə ictimai hərəkatın formalaşmasını stimullaşdırır və müəyyən şəraitdə neft proyektlərində və kontraktlarında müsbət dəyişikliyə gətirir.

         2000 ci ildə İSAR-ın kooperativ proyektlər proqramı QDT ilə sıx əlaqəni stimullaşdırdı. Verilən proqram üzrə Qəbələ RLS –in Ekoloji təsiri, Xəzər suitilərinin kütləvi məhvi, Şirvan qoruğu və s. üzrə uğurlu proyektlər həyata keçirilmişdir.

         Ekologiya üzrə əhəmiyyətli problemlərin həlli zamanı QDT nümayəndələri müzakirələrə cəlb edilirlər ki, bu da müsbət nəticələr verir. Misal olaraq aşağıdakı faktları göstərmək olar: 1996-2000-ci illər ərzində təkcə “Ruzgar” İctimai Cəmiyyəti neft sənayesi obyektlərində çirklənmə mənbələrinin ictimai-ekoloji monitorinqi üzrə 5 proyekt həyata keçirmişdir. Belə obyektlərə “Azərneftyağ” və “Azərneftyanacaq” neftayırma kompleksləri, Bakı-Supsa Magistral neft kəmərləri, 2-ci Dəniz terminalı və s. aiddir. Cəmiyyətin nəticə və tövsiyələri istehsal orqanlarının nəzərinə çatdırılıb və tam və ya qismən proyektlərdə nəzərə alınmışdır. “Ruzgar” cəmiyyətinin əsas fəaliyyəti hava mühitinin neft sənayesi obyektləri ilə çirklənməsinə ictimai monitorinqin keçirilməsi və onun qorunması üçün ekoloji təbliğatın təşkilinə istiqamətlənmişdir. Cəmiyyət 1998-ci ildən hava mühitinin çirklənməsinin qarşısının alınması üzrə Beynəlxalq Assosiasiyalar İttifaqının (İUAPPA)  üzvüdür və beynəlxalq əməkdaşlıq çərçivəsində Azərbaycanda hava mühitinin çirklənməsinin qarşısının alınması sualları ilə məşğul olur.